அரச சேவைகள், மாகாண சபைகள் மற்றும் உள்ளூராட்சி அமைச்சின், பொது நிருவாகப் பிரிவுக்குரிய உள்ளக கணக்காய்வுப் பிரிவானது, நி.பி. 133 இன் பிரகாரம், அமைச்சின் செயலாளருக்கு நேரடியாக பொறுப்புக்கூற வேண்டிய பிரதான உள்ளக கணக்காய்வாளர் ஒருவரின் கீழ் இயங்கி வருகின்றது. அக்கிளைத் தலைவர் உட்பட 12 உள்ளக கணக்காய்வு உத்தியோகத்தர்களையும், ஒரு அலுவலக உதவியாளர் மற்றும் சாரதி ஒருவரையும் கொண்ட அங்கீகரிக்கப்பட்ட பணியாட்தொகுதியினரைக் தன்னகத்தே கொண்டுள்ளது.

அரச சேவைகள், மாகாண சபைகள் மற்றும் உள்ளூராட்சி அமைச்சு மற்றும் அதன் கீழமைந்த ஓய்வூதியத் திணைக்களம், இலங்கை அபிவிருத்தி நிருவாக நிறுவகம், அரச முகாமைத்துவ மறுசீரமைப்பு மற்றும் மக்கள் தொடர்பாடல் பிரிவு, அரச சேவை ஓய்வூதியர்களின் நம்பிக்கைப் பொறுப்பு நிதியம் மற்றும் அமைச்சின் கீழ் இயங்குகின்ற வெளிநாட்டு திட்டங்களுக்குரிய உள்ள கணக்காய்வு நடவடிக்கைகளை மேற்கொள்ளும் பொறுப்பும், அதற்கு மேலதிகமாக தேவைப்பாட்டுக்கு ஏற்ப விசேட சோதனைகளும் உள்ளக கணக்காய்வுப் பிரிவின் விடயப் பரப்பினுள் உள்ளடக்கப்படுகின்றது.

உள்ளக கணக்காய்வுப் பிரிவின் பணிகள்

• அமைச்சின் மேற்பார்வையின் கீழ் காணப்படும் நிறுவனங்களின் உள்ளக கணக்காய்வு நடவடிக்கைகளை நிறைவேற்றும் போது நிதிப் பிரமாணம் 133 இன் படி பின்வருமாறு குறித்துரைக்கப்பட்டுள்ள பணிகள் தொடர்பாக விசேட அவதானம் செலுத்துகின்றது.
• தவறுகள் மற்றும் மோசடிகளைத் தடுப்பதற்காக திணைக்களம் /நிறுவனத்தினுள் நடைமுறைப்படுத்தப்படும் உள்ளக பரிசோதனைகள் மற்றும் கட்டுப்பாட்டு முறை, திட்டத்தைப் போன்றே உண்மையான செயற்பாட்டு ரீதியாகவும் வெற்றிகரமாக உள்ளதா எனக் கண்டறிதல்.
• கணக்கு மற்றும் ஏனைய அறிக்கைகளில் நம்பிக்கைத் தன்மையை உறுதிப்படுத்துவதற்காக கையாளப்பட்டுள்ள கணக்கியல் ஒழுங்கு முறைகளின் மூலம் பிழையற்ற நிதிக் கூற்றுக்களை தயாரிப்பதற்காக அவசியப்படும் தகவல்கள் வழங்கப்பட்டுள்ளதா என்பதனை கண்டறிதல்.
• நிறுவனத்தின் பணியாட்தொகுதியினரிடம் ஒப்படைக்கப்பட்டுள்ள பொறுப்புகளை திறம்பட நிறைவேற்றுவதற்கு அவர்களின் செயலாற்றுகைத் தரத்தை மதிப்பீ செய்தல்.
• திணைக்களம் /நிறுவனத்துக்குச் சொந்தமான சொத்துக்கள், சகல விதத்திலும் நட்டங்களிலிருந்து எவ்வளவு துாரம் பாதுகாக்கப்பட்டுள்ளது என்பதனை கண்டறிதல்.
• அரசாங்க தாபன விதிக்கோவை , அரசாங்க நிதிப் பிரமாணம் மற்றும் பொது நிருவாக விடயப் பொறுப்பு அமைச்சினால் மற்றும் பொதுத் திறைசேரியினால் அவ்வப்போது வெளியிடும் சுற்றறிக்கைகள் மற்றும் ஏனைய குறைநிரப்பு ஆலோசனைகள் என்பன பின்பற்றப்படுகின்றனவா என கண்டறிதல்.
• வீண்விரயம், செயற்பாடற்ற மற்றும் அளவினை விஞ்சிய வகையில் செலவு செய்வதனைத் தடுப்பது போன்றே, அவற்றைக் கண்டறியப்படுவதற்கு கையாளப்படுகின்ற உள்ளக கட்டுப்பாட்டு முறையின் தர நியமங்களையும் ஆராய்தல்.
• திணைக்களத்தின் கணக்கு நடைமுறைகள் மற்றும் ஏதேனுமொரு வகையில் நிதி செலவாவதற்கு காரணமாக அமையும் செயற்பாடுகளை பரீட்சித்துப் பார்த்தல் மற்றும் திணைக்களத்தின் சொத்துக்கள் மற்றும் வளங்களைப் பாதுகாப்பாகவும் சிக்கனமாகவும் முறைசார்ந்தவாறு பிரயோகிக்கப்படுகின்றா என்பதனை ஆராய்தல்.
• தேவையேற்படும் சந்தர்ப்பங்களில் விசேட விசாரணைகளை மேற்கொள்ளல்.
• உற்பத்தித்திறன் வாய்ந்த செயற்திறன் அமைப்பின் பகுப்பாய்வு மற்றும் செயற்திறன் பகுப்பாய்வு.
• முகாமைத்துவக் கணக்காய்வு திணைக்களத்தினால் அவ்வப்போது பிரசுரிக்கப்படும் அறிவுறுத்தல்கள் மற்றும் வழிகாட்டல்களுக்கு ஏற்ப செயற்படுவதும், அந்தந்த வருடங்களின் சகல காலாண்டுக்கும் ஒரு முறை அமைச்சின் கணக்காய்வு முகாமைத்துவக் குழுக் கூட்டங்களை நடாத்துதல், அக்கூட்டங்களில் எட்டப்படும் முடிவுகளை செயற்படுத்துகை முன்னேற்றம் தொடர்பாக தொடர் நடவடிக்கைகளை எடுப்பது இப்பிரிவிடம் ஒப்படைக்கப்பட்டுள்ள மற்றொரு பணியாகும்.

உள்ளக கணக்காய்வு நடவடிக்கைகளை மேற்கொள்ளும் போது முடிவுகளை எடுக்கப் பிரயோகிக்கும் ஆவணங்கள்

• தாபன விதிக்கோவை
• நிதிப் பிரமாணம்
• அரசாங்க நிர்வாக சுற்றறிக்கை
• முகாமைத்துவ கணக்காய்வு சுற்றறிக்கை
• உள்ளக கணக்காய்வு வழிகாட்டல்

நிறுவனக் கட்டமைப்பு

தொடர்பு விபரங்கள்

திருமதி. ஒ. பீ. ஆர். தமயன்தி பிரதான உள்ளகக் கணக்காய்வாளர் தொலைபேசி : +94 11 2667171 (நீடிப்பு - 134) தொலைநகல் : +94 11 2667171 மின்னஞ்சல் : இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.