Tamil (Sri Lanka)English (United Kingdom)

ඔබ මෙතනයි:  මුල් පිටුව අංශ රාජ්‍ය පරිපාලන විශ්‍රාම වැටුප් අංශය

විශ්‍රාම වැටුප් අංශය

හැඳින්වීම

විශ්‍රාම වැටුප් ව්‍යවස්ථා සංග්‍රහය යටතේ රාජ්‍ය පරිපාලන ලේකම් වෙත බලතල පැවරී ඇති කාර්යයන් ඉටු කිරීම, විශ්‍රාම වැටුප් සම්බන්ධ ප්‍රතිපත්තිමය කරුණු සම්පාදනය කිරීම, විශ්‍රාමිකයන්ගේ හා විශ්‍රාමික සංගම්වලින් ඉදිරිපත් කෙරෙන ඉල්ලීම් සම්බන්ධයෙන් කටයුතු කිරීම හා විශ්‍රාම වැටුප් දෙපාර්තමේන්තුවේ ආයතන කටයුතු සම්බන්ධීකරණය කිරීම විශ්‍රාම වැටුප් අංශය මඟින් සිදු කෙරේ.

මෙම අංශය අතිරේක ලේකම් (රාජ්‍ය පරිපාලන)ගේ අධීක්ෂණය යටතේ ක්‍රියාත්මක වන අතර ආසන්නතම අධීක්ෂණ නිලධාරියා ලෙස සහකාර ලේකම් (විශ්‍රාම වැටුප්) කටයුතු කරයි. මීට අමතරව පරිපාලන නිලධාරී තනතුරක් ද පවතී.

දැක්ම

"තෘප්තිමත් විශ්‍රාමික ප්‍රජාවක්"

මෙහෙවර

"විශ්‍රාමිකයන්ගේ ජීවිත නඟා සිටුවීම සඳහා විශ්‍රාම වැටුප් විෂමතා ඉවත් කිරීම, පවත්නා ප්‍රතිපත්ති ප්‍රතිශෝධනය කිරීම හා නව ප්‍රතිපත්ති සම්පාදනය තහවුරු කිරීම"

සංවිධාන ව්‍යුහය

 

 

 

අභිමතාර්ථ

  • විශ්‍රාම වැටුප් සම්බන්ධයෙන් රාජ්‍ය පරිපාලන ලේකම්තුමාගේ නියෝග නිකුත් කිරීම අවශ්‍ය වන අවස්ථාවන්හි දී එම කටයුතු කඩිනමින් ඉටු කිරීම.
  • විශ්‍රාමිකයන්ගේ ජීවන තත්වය වඩා යහපත් කිරීමේ අරමුණින්, විශ්‍රාම වැටුප් විෂමතා ඉවත් කිරීම සම්බන්ධ උපදෙස් නිකුත් කිරීම.
  • අවශ්‍ය පරිදි විශ්‍රාම වැටුප් දෙපාර්තමේන්තුවේ පරිපාලන කටයුතු පහසු කිරීම සඳහා සහය වීම.
  • විශ්‍රාම වැටුප් දෙපාර්තමේන්තුවේ කටයුතු අධීක්ෂණය සහ සම්බන්ධීකරණය කිරීම.
  • විශ්‍රාම වැටුප් ගෙවීම සාධාරණ ආකාරයෙන් සිදුවන බව තහවුරු කිරීම සඳහා අවශ්‍ය පරිදි ප්‍රතිපත්ති සංශෝධනය සහ යාවත්කාලීන කිරීම.

ක්‍රියාකාරකම්

  • විශ්‍රාමිකයන‍් හා ඔවුන්ගේ සංගම් විසින් ඉදිරිපත් කරනු ලබන දුක්ගැනවිලි හා පැමිණිලි විමර්ශනය කිරීම හා අවශ්‍ය පරිදි අදාළ ආයතන සමඟ සම්බන්ධීකරණය වී ගැටළු විසදීමට කටයුතු කිරීම.
  • හිඟ විශ්‍රාම වැටුප්, විශ්‍රාම වැටුප් පැවරීම, හිමිකම් ඉල්ලා නොමැති විශ්‍රාම වැටුප් සම්බන්ධ ගැටළුවලට පිළිතුරු යැවීම.
  • විශ්‍රාම වැටුප් ව්‍යවස්ථාවේ 12 හා 15 වගන්ති යටතේ විශ්‍රාම යවනු ලැබූ රාජ්‍ය නිලධාරීන් හට විශ්‍රාම වැටුප් ගෙවීම සම්බන්ධයෙන් ලේකම්තුමාගේ තීරණ අදාළ ආයතන වෙත දැනුම් දීම.
  • විශ්‍රාම වැටුප් ව්‍යවස්ථා සංග්‍රහය මගින් රාජ්‍ය පරිපාලන ලේකම් වෙත පවරා ඇති වෙනත් කාර්යයන් ඉටු කිරීමට අදාළ ක්‍රියාකාරකම්.
  • විශ්‍රාම වැටුප් ව්‍යවස්ථා සංග්‍රහය හා විශ්‍රාම වැටුප් හා සම්බන්ධ නොයෙකුත් අණ පනත් සංශෝධනය කිරීමට අදාළ කටයුතු සිදු කිරීම.
  • විශ්‍රාම වැටුප් සම්බන්ධ කටයුතුවලදී අදාළ වන සියලු ආයතන හා නිලධාරීන් සමඟ සම්බන්ධීකරණය කරමින් කටයුතු කිරීම.

විශ්‍රාම වැටුප් සම්බන්ධයෙන් දැනට පවතින පනත් හා චක්‍රලේඛ

  • විශ්‍රාම වැටුප් ව්‍යවස්ථා සංග්‍රහය හා එහි සංශෝධන
  • 1989 අංක 01 දරණ වැන්දඹු අනත්දරු විශ්‍රාම වැටුප් පනත හා එහි සංශෝධන
  • 1983 අංක 24 දරණ වැන්දඹු පුරුෂ අනත්දරු පනත හා එහි සංශෝධන
  • රාජ්‍ය සේවා කොමිෂන් සභා කාර්ය පටිපාටික රීති සංග්‍රහය
  • ආයතන සංග්‍රහයේ XLVIII වන පරිච්ඡේදයේ 33 හා 36 වගන්ති
  • සියලුම විශ්‍රාම වැටුප් චක්‍රලේඛ
  • විශ්‍රාම වැටුප් සම්බන්ධ රාජ්‍ය පරිපාලන චක්‍රලේඛ
  • 1970 අංක 18 දරණ සන්නද්ධ හමුදා වැන්දඹු අනත්දරු විශ්‍රාම වැටුප් පනත
  • සන්නද්ධ හමුදා විශ්‍රාම වැටුප් පනත

විශ්‍රාම වැටුප් සම්බන්ධයෙන් වූ රාජ්‍ය පරිපාලන චක්‍රලේඛ මෙම වෙබ් අඩවියේ චක්‍රලේඛ අඩංගු කොටසින් ද, විශ්‍රාම වැටුප් දෙපාර්තමේන්තුව විසින් නිකුත් කර ඇති චක්‍රලේඛ විශ්‍රාම වැටුප් දෙපාර්තමේන්තුවේ www.pensions.gov.lk වෙබ් අඩවියෙන් ද ලබා ගත හැක.

ඇමතුම් තොරතුරු

බී.පී.පී.එස්. අබේගුණරත්න මිය
අතිරේක ලේකම් (රාජ්‍ය පරිපාලන)
දුරකතන   : +94 11 2691044 (දිගුව - 700)
ෆැක්ස් : +94 11 2693546
ඉ-තැපැල adsecpa[at]pubad.gov.lk

 

 

ඒ.ජී.එන්.පී. කරුණාරත්න
සහකාර ලේකම්
දුරකතන   : +94-11 2682460 (දිගුව - 703)
ෆැක්ස් : +94 11 2693546
ඉ-තැපැල :asp[at]pubad.gov.lk

 

 

ආර්.පී.ඩී.ටී.එස්.කොඩිකාර මිය
පරිපාලන නිලධාරී
දුරකතන   : +94-11 2691032 (දිගුව - 704)
ෆැක්ස් :+94 11 2693546
ඉ-තැපැල : ao-ard[at]pubad.gov.lk

අවසන් යාවත්කාලීන කිරීම 2018 ජූනි 28 වෙනි බ්‍රහස්පතින්දා, 08:21  

යාවත්කාලීනය : 18-07-2018.
mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
Visitors Counter