ஆட்சேர்ப்பு

முகாமைத்துவ சேவைப் பணிப்பாளர் நாயகம் மற்றும் இணைந்த சேவைகள் பணிப்பாளர் நாயகத்தின் அங்கீகாரத்தைப் பெற்றதன் பின்னர், திணைக்களத் தலைவர்களினால் ஆட்சேர்ப்புக்கள் மேற்கொள்ளப்படுகின்றன.

தகைமைகள்

• விண்ணப்பப்படிவங்கள் ஏற்றுக்கொள்ளப்படும் இறுதித் திகதிக்கு 18 வயதுக்கு குறையாமலும் 45 வயதினை விட மேற்படாதிருத்தலும் வேண்டும் என்பதோடு இலங்கை பிரஜையாகவும் இருத்தல் வேண்டும்
• க.பொ.த சா/தர பரீட்சையில் இரு தடவைகளுக்கு மேற்படாத தவணைகளில் 06 பாடங்களில் 02 திறமைச் சித்திகளுடன் சித்தியெய்திருத்தல் வேண்டும்

சேவையை உறுதிப்படுத்துதல்

சேவையை உறுதிப்படுத்துவதற்காக III ஆம் வகுப்புக்கு ஆட்சேர்க்கப்படும் ஊழியர்கள் 03 வருடங்கள் தாண்டுவதற்கு முன்னர் வினைத்திறன் காண் தடை தாண்டல் பரீட்சையில் சித்தியெய்திருத்தல் வேண்டும்.

இப் பரீட்சைகள் திணைக்களத் தலைவர்களினால் நடாத்தப்படும்.

பதவிஉயர்வு

குறித்த தகைமைகளைப் பூர்த்தி செய்துள்ள உத்தியோகத்தர்கள் தொடர்பான தகவல்கள் உரிய மாதிரிப் படிவத்தின் மூலம் திணைக்களத் தலைவர்களினால், அமைச்சுக்களின் செயலாளர்களினால் சிபாரிசு செய்யப்பட்டு சமர்ப்பிக்கப்பட்டதன் பின்னர், பணிப்பாளர் நாயகத்தினால் பதவியுயர்வுக் கடிதங்கள் வெளியிடப்படும்.

II ஆந் தரத்துக்கு பதவியுயர்த்தல்

III ஆம் தரத்தில் 10 வருடங்கள் முனைப்புடனானதும் திருப்திகரமானதுமான சேவைக் காலத்தைப் பூரணப்படுத்தியுள்ள மற்றும் சம்பள ஏற்றங்கள் 10 இனையும் உழைத்துள்ள உத்தியோகத்தர்கள் II ஆந் தரத்துக்கு பதவியுயர்த்தப்படுவார்கள்.

தேவைப்படும் தகைமைகள்

• நியமனம் உறுதிப்படுத்தப்பட்டிருத்தல்
• III ஆம் தரத்தில் 10 வருடங்கள் முனைப்புடனானதும் திருப்திகரமானதும் சேவைக் காலத்தைப் பூர்த்தி செய்திருத்தல் மற்றும் 10 சம்பள ஏற்றங்களை உழைத்திருத்தல்
• அங்கீகரிக்கப்பட்ட செயலாற்றுகை மதிப்பீட்டு நடைமுறை ஒழுங்கிற்கிணங்க பதவியுயர்வுத் திகதிக்கு முன்னர் பத்து (10) வருடங்களினுள் திருப்திகரமான மட்டத்தில் அல்லது அதற்கு மேற்பட்ட செயலாற்றுகையை எடுத்துக் காட்டியிருத்தல்
• பதவியுயர்வுத் திகதிக்கு உடன்முன்னரான ஐந்து (05) வருடங்களினுள் திருப்திகரமான சேவைக் காலத்தைப் பூர்த்தி செய்திருத்தல்
• குறித்த மட்டத்தில் ஏனைய அரசகரும மொழித் தேர்ச்சியை அடைந்திருத்தல்
• குறித்த வினைத்திறன் காண் தடைப் பரீட்சையில் உரிய திகதியில் சித்தியெய்திருத்தல்

I ஆந் தரத்துக்கு பதவியுயர்த்தல்

II ஆம் தரத்தில் ஒன்பது (09) வருடங்கள் முனைப்பானதும் திருப்திகரமானதும் சேவைக் காலத்தைப் பூர்த்தி செய்திருத்தல் மற்றும் சம்பள ஏற்றங்கள் ஒன்பதினை (09) உழைத்துள்ள அலுவலர்கள் I ஆந் தரத்துக்கு பதவியுயர்த்தப்படுவார்கள்.

தேவைப்படும் தகைமைகள்

• II ஆந் தரத்தில் குறைந்த பட்சம் ஒன்பது (09) வருடங்கள் முனைப்பானதும் திருப்திகரமானதும் சேவைக் காலத்தைப் பூர்த்தி செய்திருத்தல் மற்றும் சம்பள ஏற்றங்கள் ஒன்பதினையும் (09) உழைத்திருத்தல்
• பதவியுயர்வுத் திகதிக்கு உடன்முன்னரான ஐந்து (05) வருடங்களினுள் திருப்திகரமான சேவைக் காலத்தைப் பூர்த்தி செய்திருத்தல்
• அங்கீகரிக்கப்பட்ட செயலாற்றுகை மதிப்பீட்டு நடைமுறை ஒழுங்கிற்கிணங்க பதவியுயர்வுத் திகதிக்கு முன்னர் ஒன்பது (09) வருடங்களினுள் திருப்திகரமான மட்டத்தில் அல்லது அதற்கு மேற்பட்ட செயலாற்றுகையை எடுத்துக் காட்டியிருத்தல்
• குறித்த வினைத்திறன் காண் தடைப் பரீட்சையில் உரிய திகதியில் சித்தியெய்திருத்தல்

விசேட தரத்துக்கு பதவியுயர்த்தல்

I ஆம் தரத்தில் ஒன்பது (09) வருடங்கள் முனைப்பானதும் திருப்திகரமானதும் சேவைக் காலத்தைப் பூர்த்தி செய்திருத்தல் மற்றும் சம்பள ஏற்றங்கள் ஒன்பதினை (09) உழைத்துள்ள அலுவலர்கள் விசேட தரத்துக்கு பதவியுயர்த்தப்படுவார்கள்.

தேவைப்படும் தகைமைகள்

• I ஆந் தரத்தில் குறைந்த பட்சம் ஒன்பது (09) வருடங்கள் முனைப்பானதும் திருப்திகரமானதும் சேவைக் காலத்தைப் பூர்த்தி செய்திருத்தல் மற்றும் சம்பள ஏற்றங்கள் ஒன்பதினையும் (09) உழைத்திருத்தல்
• பதவியுயர்வுத் திகதிக்கு உடன்முன்னரான ஐந்து (05) வருடங்களினுள் திருப்திகரமான சேவைக் காலத்தைப் பூர்த்தி செய்திருத்தல்
• அங்கீகரிக்கப்பட்ட செயலாற்றுகை மதிப்பீட்டு நடைமுறை ஒழுங்கிற்கிணங்க பதவியுயர்வுத் திகதிக்கு முன்னர் ஒன்பது (09) வருடங்களினுள் திருப்திகரமான மட்டத்தில் அல்லது அதற்கு மேற்பட்ட செயலாற்றுகையை எடுத்துக் காட்டியிருத்தல்
• குறித்த வினைத்திறன் காண் தடைப் பரீட்சையில் உரிய திகதியில் சித்தியெய்திருத்தல்

திருப்திகரமான சேவைக் காலம் என்பதன் பொருள் விளக்கம்

பதவியுயர்வினைக் கோரும் திகதிக்கு உடன்முன்னரான ஐந்து (05) வருடங்களினுள் மேற்கொண்ட குற்றத்துக்கு ( எச்சரிக்கை தவிர) தண்டனைகள் ஏதும் பெற்றிருக்காத உத்தியோகத்தர் ஒருவர் திருப்திகரமான சேவைக் காலத்தைப் பூரணப்படுத்தியுள்ளார் என கருதப்படும்.

கடமையை ஒப்படைத்தல்

• குறித்த சேவையின் அவசியப்பாடு, மூப்புநிலை மற்றும் அனுபவம் என்பவற்றினை அடிப்படையாகக் கொண்டு திணைக்களத் தலைவரினால் கடமைகள் ஒப்படைக்கப்படும்
• பதவியுயர்வு வழங்கப்படுவது வெற்றிடத்துக்காகவன்றி என்பதுடன், அத் தரத்துக்குரிய பதவியிலே கடமையை ஒப்படைப்பதற்கு முடியாத சந்தர்ப்பங்களில் அதற்குக் கிட்டிய தரத்தைச் சேர்ந்த பதவியொன்றில் கடமையில் அமர்த்துவதற்கு திணைக்களத் தலைவருக்கு அதிகாரம் உண்டு

இடமாற்றங்களை மேற்கொள்ளல்

பின்வரும் வகையில் இடம்பெறும்

• அமைச்சுக்கிடையிலான இடமாற்றங்கள் பணிப்பாளர் நாயகத்தினால் மேற்கொள்ளப்படும்
• ஒரே அமைச்சின் திணைக்களங்களுக்கிடையிலான இடமாற்றங்கள் பணிப்பாளர் நாயகத்துக்கு அறிவிக்கப்பட்டு அமைச்சின் செயலாளரினால் மேற்கொள்ளப்படும்
• ஒரே திணைக்களத்தினுள் மேற்கொள்ளப்படும் இடமாற்றங்களை பணிப்பாளர் நாயகத்துக்கு அறிவிக்கப்பட்டு திணைக்களத் தலைவரினால் மேற்கொள்ளப்படும்

I ஆந் தரம்

• தொலைபேசி இயக்குநர்
• ஆவணப் பொறுப்பாளர்
• புத்தகம் கட்டுநர்
• நகல் பிரதி பொறி இயக்குநர்
• ‍படப் பிரதி பொறி இயக்குநர்

II ஆந் தரம்

• அலுவலக உதவியாளர்
• சைக்கிள் ஏவலாள்
• ஏவலாள்

III ஆந் தரம்

• அலுவலகத் தொழிலாளி
• துப்புரவாளர்
• தோட்டத் தொழிலாளி
• அலுவலக காவற்காரர்
• துப்புரவேற்பாட்டுத் தொழிலாளி

தற்போதைய சேவை பிரமாணக் குறிப்பும் திருத்தங்களும்

ஆவணத் தலைப்பு	திகதி	ஆவணம்	அளவு
அலுவலக உதவியாளர் சேவையின் சேவைப் பிரமாணக் குறிப்பு இலங்கை சனநாயக சோஷலிசக் குடியரசின் அதி விசேட வர்த்தமானிப் பத்திரிகை இலக்கம் 1777/35	2012.09.27		[130 KB]
திருத்த எண்- 01 இலங்கை சனநாயக சோஷலிசக் குடியரசின் அதி விசேட வர்த்தமானிப் பத்திரிகை இலக்கம் 1820/4	2013.07.23		[50 KB]

முன்னைய சேவைப் பிரமாணங்கள் மற்றும் திருத்தங்கள்

ஆவணத் தலைப்பு	திகதி	ஆவணம்	அளவு
அலுவலக உதவியாளர் சேவையின் சேவைப் பிரமாணக் குறிப்பு இலங்கை அரசின் அதி விசேட வர்த்தமானிப் பத்திரிகை இலக்கம் 14,811/7	1968.07.26		[0 KB]
அலுவலக உதவியாளர் சேவையின் சேவைப் பிரமாணக் குறிப்பு இலங்கை சனநாயக சோஷலிசக் குடியரசின் அதி விசேட வர்த்தமானிப் பத்திரிகை இலக்கம் 660/10	1991.05.03		[0 KB]
அலுவலக உதவியாளர் சேவையின் சேவைப் பிரமாணக் குறிப்பு திருத்த எண் - 01 இலங்கை சனநாயக சோஷலிசக் குடியரசின் அதி விசேட வர்த்தமானிப் பத்திரிகை இலக்கம் 722/16 (முந்தைய சேவைப் பிரமாணக் குறிப்பு 660/10 இன் திருத்தம்)	1992.07.08		[0 KB]
அலுவலக உதவியாளர் சேவையின் சேவைப் பிரமாணக் குறிப்பு (முன்னைய சேவைப் பிரமாணம்) இலங்கை சனநாயக சோஷலிசக் குடியரசின் அதி விசேட வர்த்தமானிப் பத்திரிகை இலக்கம் 1258/20	2002.10.08		[123 KB]

தொடர்புடைய சுற்றறிக்கைகள்

சுற்றறிக்கை இலக்கம்	சுற்றறிக்கையின் பெயர்	திகதி	ஆவணம்
26/1999	அரச சேவையின் கனிஷ்ட தரங்களிலுள்ள தற்காலிக, அமய, பதிலீட்டு, ஊழியர்களை நிரந்தரப்படுத்தல்	1999.11.23
27/2001	அரச நிறுவனங்கள், கூட்டுத்தாபனங்கள், நியதிச் சட்டசபைகள் ஆகியவைகளில் தற்காலிக, அமைய, பதிலீட்டு, ஒப்பந்த அடிப்படையில் ஆட்சேர்ப்பு செய்த ஊழியர்களை நிரந்தரப்படுத்துதல்	2001.10.29
13/2005	அரச நிறுவனங்கள் கூட்டுத்தாபனங்கள், மற்றும் நியதிச் சட்ட சபைகளின் தற்காலிக, அமைய, பதிலீட்டு, சலுகை அத்துடன் ஒப்பந்த அடிப்படையின் பேரில் ஆட்சேர்ப்புச் செய்த ஊளியர்களை நிரந்தரமாக்குதல்	2005.07.28
21/2006	அரச நிறுவனங்கள், கூட்டுத்தாபனங்கள் மற்றும் நியதிச் சட்ட சபைகளில் தற்காலிக, அமய, ஒப்பந்த அடிப்படையின் பேரில் ஆட்சேர்ப்புச் செய்த ஊழியர்களை நிரந்தரமாக்குதல்	2006.12.06
21/2006(I)	அரச நிறுவனங்கள், கூட்டுத்தாபனங்கள் மற்றும் நியதிச் சட்ட சபைகளில் தற்காலிக, அமய / பதிலீட்டு மற்றும் ஒப்பந்த அடிப்படையின் பேரில் ஆட்சேர்ப்புச் செய்த ஊழியர்களை நிரந்தரமாக்குதல்	2007.07.17
21/2006(II)	அரச நிறுவனங்கள், கூட்டுத்தாபனங்கள் மற்றும் நியதிச் சட்ட சபைகள் என்பவற்றின் தற்காலிக, அமய பதிலீட்டு அத்துடன் ஒப்பந்த அடிப்படையின் பேரில் ஆட்சேர்ப்புச் செய்த ஊழியர்களை நிரந்தரப்படுத்தல்	2007.11.19
21/2006(III)	அரச நிறுவனங்கள், கூட்டுத்தாபனங்கள் மற்றும் நியதிச் சட்ட சபைகளின் தற்காலிக, அமைய, பதிலீட்டு, ஒப்பந்த மற்றும் சலுகை அடிப்படையில் ஆட்சேர்ப்புச் செய்த ஊழியர்களை நிரந்தரமாக்குதல்	2008.04.07
21/2006(IV)	அரச நிறுவனங்கள், கூட்டுத்தாபனங்கள் மற்றும் நியதிச் சட்ட சபைகளின் தற்காலிக, அமய, பதிலீட்டு ஒப்பந்த மற்றும் சலுகை அடிப்படையின் பேரில் ஆட்சேர்ப்புச் செய்த அலுவலர்களை நிரந்தரமாக்குதல்	2008.07.30
20/2009	அரசாங்க, மாகாண அரசாங்க சேவைகளில் தற்காலிக, அமய, பதிலீட்டு, ஒப்பந்த மற்றும் சலுகை அடிப்படையில் ஆட்சேர்ப்புச் செய்த ஆரம்ப தரத்திக் பணியாளர்களை நிரந்தரப்படுத்துதல்	2009.11.25
25/2014	தற்காலிக, அமைய (நாளாந்த),பதில் கடமை, ஒப்பந்த மற்றும் சலுகை அடிப்படையில் சேர்த்துக் கொள்ளப்பட்ட உத்தியோகத்தர்களுக்கு 2015 வரவு செலவுத்திட்ட முன்மொழிவுக்கமைவாக நிரந்தர பதவியினை வழங்குதல்	2014.11.12
25/2014(I)	தற்காலிக, அமைய (நாளாந்த),பதில் கடமை, ஒப்பந்த மற்றும் சலுகை அடிப்படையில் சேர்த்துக் கொள்ளப்பட்ட உத்தியோகத்தர்களுக்கு 2015 வரவு செலவுத்திட்ட முன்மொழிவுக்கமைவாக நிரந்தர பதவியினை வழங்குதல்	2014.12.29
25/2014(II)	தற்காலிக, அமைய (நாளாந்த), பதில் கடமை, ஒப்பந்த மற்றும் சலுகை அடிப்படையில் சேர்த்துக் கொள்ளப்பட்ட உத்தியோகத்தர்களுக்கு 2015 வரவு செலவுத்திட்ட முன்மொழிவுக்கமைவாக நிரந்தர பதவியினை வழங்குதல்	2016.04.04
17/2018	கௌரவ அமைச்சர்களினதும்/ பிரதியமைச்சர்களினதும் உதவிப் ணியாட்தொகுதிக்குரிய முகாமைத்துவ உதவியாளர்கள் மற்றும் அடிப்படை சேவை வகுதிக்குரிய ஊழியர்களை நிரந்தரமாக்கல்	2018.08.23

முக்கிய அறிவித்தல்

#	ஆவணத் தலைப்பு
1	கௌரவ அமைச்சர்களினதும் / பிரதியமைச்சர்களினதும் உதவிப் பணியாட்தொகுதிக்குரிய முகாமைத்துவ உதவியாளர்கள் மற்றும் அடிப்படை சேவை வகுதிக்குரிய ஊழியர்களுக்கான அரசாங்க நிர்வாக சுற்றறிக்கை 17/2018 இன் கீழ் அலுவலகப் பணியாளர் சேவை மற்றும் இணைந்த சாரதிச் சேவையில் நிரந்தர நியமனங்களை வழங்குவதற்காக தகவல்களைப் பெற்றுக்கொள்ளல்
2	தற்காலிக / அமய ( நாளாந்த) / பதில் கடமை / ஒப்பந்த மற்றும் சலுகை அடிப்படையில் சேர்த்துக் கொள்ளப்பட்ட உத்தியோகத்தர்களுக்கு அரசாங்க நிர்வாக சுற்ற்றிக்கை இலக்கம் 25/2014 இன் கீழ் நியமனங்களை வழங்குவதற்காக தகவல்களைப் பெற்றுக்கொள்ளல்