Sinhala (Sri Lanka)English (United Kingdom)

நீங்கள் இங்கே உள்ளீர்கள்:  முகப்பு பிரிவுகள் உள்ளக நிர்வாகம் மற்றும் நிர்வாக சீர்திருத்தங்கள் அபிவிருத்தி மற்றும் வீடமைப்பு

வீடமைப்பு மற்றும் அபிவிருத்திப் பிரிவு

தொலைநோக்கு

உத்தியோகபூர்வ விடுதி வசதிகனை ஏற்படுத்திக்கொடுப்பதன் மூலம் உற்பத்தித்திறன் வாய்ந்த அரச சேவையொன்றினை ஏற்படுத்துதல்.

பணிக்கூற்று

அரசாங்க நிர்வாக அமைச்சின் கீழ் நிர்வகிக்கப்படும் சகல அரசாங்க உத்தியோகபூர்வ விடுதிகளை, சேவைத் தேவைப்பாட்டிற்கு ஏற்ப அரச அலுவலர்களுக்குப் பெற்றுக்கொடுத்தல், அவற்றின் உட்கட்டமைப்பு வசதிகளின் மேம்படுத்தலினைப் போன்றே அமைச்சின் கீழ்க் காணப்படும் நில பியச, நில செவண வீடமைப்புத் திட்டங்கள் தொடர்பான சகல பணிகளையும் நிறைவேற்றுவதன் மூலம் உற்பத்தித்திறன் மிக்க அரச சேவைக்கு அவசியப்படும் பின்னணியினைத் தோற்றுவித்தல்.

நோக்கம்

  • அரச அலுவலர்களுக்கு உத்தியோகபூர்வ விடுதிகளை ஒதுக்குதல், அவ் விடுதிகளின் பராமரிப்பு நடவடிக்கைகளை மேற்கொள்ளல்.
  • அமைச்சின் கீழ் நடைமுறைப்படுத்தப்படும் வீடமைப்புத் திட்டங்களுடன் தொடர்புடைய சகல முகாமைத்துவ மற்றும் நிர்வாக நடவடிக்கைகளையும் நிறைவேற்றல் மற்றும் உரிய தரப்புக்களுடன் ஒருங்கிணைப்பினை மேற்கொள்ளல்.
  • அரச அலுவலர்களின் சேவைத் தேவைப்பாட்டினை அடிப்படையாகக் கொண்டு தற்காலிக வதிவிற்காக வழங்கப்பட்ட அரசிற்கு உரித்தான எந்தவொரு விடுதியும் “நில நிவாச” இன் கீழ் கொள்ளப்படுவதோடு அரசின் பொதுச் சேவை விடுதிகள் தொடர்பாக நடவடிக்கைகளை மேற்கொள்ளல்.

 

இப்பிரிவின் கீழ் அபிவிருத்தி மற்றும் வீடமைப்பு என்ற வகையில் இரு அலகுகளாக செயற்படுத்தப்படுவதோடு அதன் பணிகள் பின்வருமாறு அமையப்பெற்றுள்ளது.

அபிவிருத்திப் பிரிவின் பணிகள் வீடமைப்புப் பிரிவின் பணிகள்
அரச அலுவலர்களுக்காக மாவட்ட மட்டத்தில் உத்தியோகபூர்வ விடுதி வசதிகளை வழங்குவதற்காக “நில பியச” உட்பட ஏனைய செயற்திட்டங்களையும் நடைமுறைப்படுத்துதல். முன்னுரிமை அடிப்படையில் விடுதிகளை வழங்குதல்.
அமைச்சின் வருடாந்த செயலாற்றுகை அறிக்கையினைத் தயாரித்தல். குறித்த திகதிக்கு விடுதி வாடகையினைச் சேகரித்தல் மற்றும் ஏனைய அரச நிறுவனங்களின் மூலம் விடுதி வாடகையினைச் சேகரிக்கும் நடவடிக்கையினை ஒருங்கிணைத்தல்.
சனாதிபதி செயலகம், பிரதமர் அலுவலகம், கருத்திட்ட முகாமைத்துவ திணைக்களம் மற்றும் நிதி அமைச்சுக்கள் தொடர்பாக செயற்திட்டங்களின் முன்னேற்றத்தினைக் காட்டும் அறிக்கையினைத் தயாரித்தல். அரசாங்க விடுதிகளின் வருடாந்த பராமரிப்பு மற்றும் பழுதுபார்த்தல் நடவடிக்கையினை மேற்கொள்ளல் மற்றும் அவற்றினை மேற்பார்வை செய்தல்.
தகவலறியும் சட்டத்தின் கீழ் அரையாண்டு அறிக்கையினைத் தயாரித்தல். அரச விடுதிகளைச் சட்டவிரோதமாக பயன்படுத்துவதைக் குறைப்பதற்கு 1969 ஆம் ஆண்டின் 7 ஆம் இலக்க உடைமைகள் மீளப்பெறும் சட்டத்தின் கீழ் சட்ட நடவடிக்கை எடுத்தல்.
அரச அலுவலர்களின் தற்கால விடுதிக்கான அவசியத்தினை இனங்கண்டு அதற்கிணங்க கருத்திட்ட முன்மொழிவுகளை சமர்ப்பித்தல். அரச மற்றும் தனியார்ப் பிரிவின் ஒத்துழைப்புடன் “நில செவண” செயற்திட்டத்தினைச் செயற்படுத்துதல்.

அமைச்சுக்கு சொந்தமான அரசாங்க விடுதிகளின் அமைவிடங்கள்


  • கொழும்பு 05, மஹகம சேகர மாவத்தை
  • கொழும்பு 05, மெகன்சி வீதி
  • கொழும்பு 05, ஸ்டான்மோ கிரசன்ட்
  • கொழும்பு 05, கெப்படிபொல மாவத்தை
  • கொழும்பு 05, ஸ்கேல்டன் வீதி
  • கொழும்பு 07, பௌத்தாலோக மாவத்தை
  • கொழும்பு 07, விஜேராம மாவத்தை
  • கொழும்பு 07, க்ரகரி மாவத்தை
  • கொழும்பு 07, மலலசேகர மாவத்தை
  • கொழும்பு 08, கலாநிதி என்.எம்.பெரேரா மாவத்தை
  • பத்தரமுல்ல, ஜயவடனகம

“நில பியச” அரச அலுவலர்களின் உத்தியோகபூர்வ விடுதி செயற்திட்டம்

அரச அலுவலர்களுக்கான தங்குமிட வசதிகளை வழங்கும் நோக்கில் நாட்டின் சகல மாவட்டங்களிலும் ஒன்று என்ற விகிதத்தில் நடைமுறைப்படுத்துவதற்கு உத்தேசிக்கப்பட்டுள்ள இவ் விடுதி செயற்திட்டம் ஐந்து வருடங்களினுள் நிறைவு செய்வதற்கு முன்மொழியப்பட்டுள்ளதோடு ஒரு வருடத்தினுள் ஐந்து மாவட்டங்களில் கட்டிட நிர்மாணப் பணிகளை நிறைவுசெய்வதற்கு திட்டமிடப்பட்டுள்ளது. இதன் முதற் கட்டமாக பின்வரும் மாவட்டங்களில் நிர்மாணப் பணிகள் மேற்கொள்ளப்படவுள்ளது.

  • மொனராகலை மாவட்டம்

    இவ் உத்தியோகபூர்வ விடுதிச் செயற்திட்டத்திற்கு உரித்துடையதாக கட்டிமொன்றினை நிர்மாணிப்பதற்குரிய ஒப்பந்தம் பொறியியல் நடவடிக்கைகள் தொடர்பாக மத்திய ஆலோசனை பணியகத்திற்கு வழங்கப்பட்டுள்ளதோடு இதற்கான ஆலோசனைச் சேவை ஒத்துழைப்பினை ஊவா மாகாண சபை பொறியியல் சேவையின் மூலம் வழங்கப்படுகின்றது.

    உத்தேசிக்கப்பட்ட விடுதி அலகுகளின் எண்ணிக்கை - 32

  • கம்பஹ மாவட்டம்

    இவ் உத்தியோகபூர்வ விடுதிச் செயற்திட்டத்திற்கு உரித்தான கட்டிமொன்றினை நிர்மாணிப்பதற்குரிய ஒப்பந்தத்தினை லின்க் பொறியியல் தனியார் நிறுவனத்திற்கு வழங்கப்பட்டுள்ளதோடு அதற்கான ஆலோசனைச் சேவை ஒத்துழைப்பினை மேல் மாகாண சபை பொறியியல் சேவையினால் அளிக்கப்படுகின்றது.

    உத்தேசிக்கப்பட்ட விடுதி அலகுகளின் எண்ணிக்கை - 32

  • கண்டி மாவட்டம் – முதற் கட்டம்

    இவ் உத்தியோகபூர்வ விடுதிச் செயற்திட்டத்திற்கு உரிய கட்டிட நிர்மாணத்திற்கான திட்டமிடல் செயற்பாடுகள் இதுவரை இடம்பெற்று வருவதோடு உரிய ஆலோசனைச் சேவைகள் மத்திய மாகாண கட்டிடத் திணைக்களத்தினால் வழங்கப்படுகின்றது. இரண்டாம் கட்டமாக விடுதிகள் 24 இனை நிர்மாணிப்பதற்கு உத்தேசிக்கப்பட்டுள்ளது.

    உத்தேசிக்கப்பட்ட விடுதி அலகுகளின் எண்ணிக்கை - 08

  • பொலன்னறுவை மாவட்டம்

    இவ் உத்தியோகபூர்வ விடுதிச் செயற்திட்டத்திற்கு உரித்தான கட்டிடமொன்றினை நிர்மாணிப்பதற்கான திட்டமிடல் செயற்பாடுகள் இதுவரை இடம்பெற்று வருவதோடு உரிய ஆலோசனைச் சேவைகள் வட மத்திய மாகாண பொறியியல் சேவையின் மூலம் வழங்கப்படுகின்றது.

“Admin Enclave” – கொழும்பு மாவட்டம்

அரச சேவையில் காணப்படும் சகல நாடளாவிய சேவைகள் விசேட தரத்துடைய அலுவலர்களுக்கு விடுதி வசதியினை வழங்கும் நோக்கில் ஆரம்பிக்கப்பட்டுள்ள இச் செயற்திட்டத்தின் மொத்தப் பெறுமதி ரூபா. 981 மில்லியனாக இருப்பதோடு இதற்கான ஆலோசனை சேவை ஒத்துழைப்பினை மொரட்டுவை பல்கலைகழகத்தினால் வழங்கப்படுகின்றது.

உத்தேசிக்கப்பட்ட விடுதி அலகுகளின் எண்ணிக்கை - 49

மூலங்கள்

  • அரசாங்க சேவைகள் ஆணைக்குழுவின் நடைமுறை ஒழுங்கு விதிகள்.
  • பெறுகைக் கையேடு.
  • பெறுகை வழிகாட்டல் சஞ்சிகை.
  • தாபன விதிக்கோவை.
  • நிதி ஒழுங்குவிதிகள்.
  • அரசாங்க நிர்வாக சுற்றறிக்கை.
  • நிர்மாணப் பணிகள் தொடர்பாக ICTAD நிறுவனத்தினால் பிரசுரிக்கப்பட்ட வழிகாட்டல்கள்.
  • தாபன விதிக்கோவையின் XIX ஆம் அத்தியாயத்தின் ஏற்பாடுகள்.
  • கொழும்பு மாவட்டத்தின் அரசாங்க விடுதிகள் தொடர்பான பொதுக் கொள்கைகள். (அரசாங்க நிர்வாக சுற்றறிக்கை 19/2001 மற்றும் அதன் திருத்தம் உள்ளடங்களாக 19/2001 (1) சுற்றறிக்கை)
  • அரச விடுதிகளில் இருந்து வாடகை அறவிடுவது தொடர்பான ஏற்பாடுகளை உள்ளடக்கிய அரசாங்க நிர்வாக சுற்றறிக்கை 22/2006
  • உத்தியோகபூர்வ விடுதி வசதிகள் வழங்கப்படாத கௌரவ அமைச்சர்கள் மற்றும் பிரதி அமைச்சர்களுக்கு வாடகை விடுதிகளை பெற்றுக்கொள்வதற்கான ஒதுக்கீடுகளை வழங்குவதற்காக 10/2007 மற்றும் 10/2007 (1) சுற்றறிக்கை.
  • அரச விடுதிகளின் பராமரிப்பு நடவடிக்கைகள் தொடர்பான புதிய ஏற்பாடுகளை உள்ளடக்கிய 27/2010 சுற்றறிக்கை.
  • 1973 இலக்கம் 3, 1974 இலக்கம் 40, 1981 இலக்கம் 8, 1985 இலக்கம் 45 இனைக் கொண்ட சட்டங்களினால் மற்றும் காலத்துக்குக் காலம் பிரசுரிக்கப்படும் வேறு திருத்தங்களினால் திருத்தியமைக்கப்பட்ட 1969 இலக்கம் 07 இனைக் கொண்ட உடைமையினைத் திரும்ப கையகப்படுத்தும் சட்டம்.

அரசின் உத்தியோகபூர்வ விடுதிகள்

அரச அலுவலரொருவரின் சேவைத்தேவைப்பாட்டின் அடிப்படையில் தற்காலிக வதிவிற்காக வழங்கப்படும் அரசிற்கு உரித்தான எந்தவொரு விடுதியும் “ அரசின் உத்தியோகபூர்வ விடுதி” என்ற வகுதிக்குள் உள்ளடக்கப்படுகின்றது. அவ்வாறான சகல விடுதிகளும் பின்வருமாறு இரு வகுதியினுள் உள்ளடங்குகின்றது.

  • அட்டவணைப்படுத்தப்பட்ட விடுதிகள் – அமைச்சொன்றின் அல்லது திணைக்களமொன்றின் குறித்த பதவியொன்றுக்கு அல்லது தரத்திற்கு ஒதுக்கப்பட்டுள்ள விடுதிகள்.
  • பொது விடுதிகள் – அட்டவணைப்படுத்தப்பட்ட விடுதி உரித்துடையதாகும் பதவிகளுக்கு அல்லது தரங்களுக்கு உட்படாத சகல அலுவலர்களினதும் விடுதித் தேவைக்காக காணப்படும் விடுதிகள்.

அதற்கிணங்க அரசின் பொதுச் சேவை விடுதிகளுக்கு உரித்தான நடவடிக்கைகளை மேற்கொள்வது வீடமைப்புப் பிரிவின் பணியாகும்.

அரச அலுவலர்களுக்கு அரச விடுதிகளை வழங்கும் போது கவனத்திற் கொள்ளப்பட வேண்டிய விடயங்கள்

  1. அரச விடுதிகளை வழங்கும் போது கவனத்திற் கொள்ளப்படுவது காத்திருப்புப் பட்டியலில் பதிவு செய்துள்ள அலுவலர்களுக்கு மாத்திரமேயாகும்.
  2. காத்திருப்புப் பட்டியலில் பதிவு செய்துள்ள அரச அலுவலர்கள் தாபன விதிக்கோவையின் XIX ஆம் அத்தியாயத்தில் காணப்படும் ஏற்பாடுகளுக்கு மேலதிகமாக பின்வரும் தேவைகளையும் பூர்த்தி செய்திருத்தல் வேண்டும்.
  3. அரச விடுதிகளுக்கான வாடகை குடியிருப்பாளர்களின் மாதாந்த சம்பளத்தின் 12.5% ஆகும்.

விடுதிப் பராமரிப்பு

  • அமைச்சர்கள் மற்றும் பிரதி அமைச்சர்கள் குடியிருக்கும் விடுதிகள் தவிர்ந்த, ஏனைய சகல அரச விடுகளினதும் பராமரிப்பு நடவடிக்கைகள் இவ் அமைச்சின் வீடமைப்பு மற்றும் அபிவிருத்திப் பிரிவின் மூலம் மேற்கொள்ளப்படுகின்றது.
  • கௌரவ அமைச்சர்கள் மற்றும் பிரதி அமைச்சர்களுக்கு ஒதுக்கப்பட்டுள்ள அரச விடுதிகளின் பராமரிப்பு நடவடிக்கைகள் உரிய அமைச்சுக்களின் மூலம் இடம்பெறுகின்றது.

விடுதி உடைமையினை மீளக் கையளித்தல்

  • குறித்த காலப்பகுதி நிறைவின் போது, குடியிருந்த காலப் பகுதிக்கு உரித்தான நீர் மற்றும் மின்சாரக் கட்டணப் பட்டியலின் இசைவு அறிக்கையுடன் விடுதிகளை முறைமைக்கேற்ப இவ் அமைச்சுக்கு மீள ஒப்படைப்பது சகல குடியிருப்பாளர்களினதும் பொறுப்பாகும்.
  • எவரேனும் ஒரு குடியிருப்பாளர் உரிய கால முடிவின் போது முறையாக விடுதியினை மீள கையளிக்காது விடின், அவருக்கு விடுதியினை கையளிக்குமாறு அறிவித்து சட்டரீதியான அறிவித்தலொன்று அனுப்பப்படும்.
  • அதற்கேற்ப குடியிருப்பாளர்கள் நடவடிக்கை எடுக்காது விடின், 1969 இலக்கம் 07 இனைக் கொண்ட உடைமையினை மீள கையகப்படுத்தும் சட்டத்தின் கீழ் மேற்கொள்ளப்படும் சட்டரீதியான நடவடிக்கைகளின் பின்னர் அவர்களை விடுதியிலிருந்து வெளியேற்றுவதற்கான நடவடிக்கைகள் எடுக்கப்படும்.
  • உரிய கால எல்லையினைத் தாண்டி விடுதிகளில் குடியிருப்பவர்களுக்கு தண்டனை வாடகைக்கு உட்படுவார்கள். தண்டனை வாடகை என்பது அரசின் பிரதான மதிப்பீட்டாளர்களினால் மதிப்பீடு செய்யப்பட்ட விடுதிகள் தொடர்பாக சந்தையில் நிலவும் வாடகை மற்றும் அலுவலரின் சம்பளத்தில் 8% என்ற தொகைகள் இரண்டினதும் கூட்டுத்தொகைக்கு சமனான தொகையாகும்.

"நில செவண" அரச மற்றும் தனியார் கூட்டாண்மைத் திட்டம்

இத் திட்டத்தின் கீழ் காலி மாவட்டத்தில் ஆரம்பிக்கப்பட்டுள்ள ஹபராதுவ மற்றும் வெகுணகொட வீடமைப்புச் செயற்திட்டத்தின் நிர்மாணப் பணிகள் தற்போது நிறைவடைந்துள்ளது.

விடுதி அலகுகள் : 572

பெறுமதி

விடுதி வகைகள் விற்பனை விலை (அலகு 1)
அரச அலுவலர்களுக்கான தனிப்பட்ட வாடிக்கையாளர்களுக்கான
நடுத்தர செலவினைக் கொண்ட விடுதிகள் ரூபா. 3,550,000.00 ரூபா. 3,675,079.00
உயர் செலவினைக் கொண்ட விடுதிகள் ரூபா. 4,300,000.00 ரூபா. 4,451,828.00

 

விடுதி அலகுகள் : 576

பெறுமதி

விடுதி வகைகள் விற்பனை விலை (அலகு 1)
அரச அலுவலர்களுக்கான தனிப்பட்ட வாடிக்கையாளர்களுக்கான
நடுத்தர செலவினைக் கொண்ட விடுதிகள் ரூபா. 1,980,000.00 ரூபா. 2,102,787.00
உயர் செலவினைக் கொண்ட விடுதிகள் ரூபா. 3,550,000.00 ரூபா. 3,749,022.00

 

  • விடுதி அலகுகள் 576 இனை நிர்மாணிப்பதற்கு உத்தேசிக்கப்பட்டுள்ளது.

 

  • உத்தேசிக்கப்பட்ட காணியில் தொடர் நிர்மாணப் பணிகளை மேற்கொள்வதற்கு மாநகர மற்றும் மேல் மாகாண அபிவிருத்தி அமைச்சின் பரிந்துரை கிடைக்கப்பெற்றுள்ளது. அச் செயற்திட்டத்தின் கீழ் விடுதி அலகுகள் 100 இனை விட அதிக அளவுடையதாக மேற்கொள்வதற்கு உத்தேசிக்கப்பட்டுள்ளது.

 

தொடர்பு விபரங்கள்

திரு. ஷாந்த வீரசிங்க
சிரேஷ்ட உதவிச் செயலாளர்
தொலைபேசி: +94 11 2692633 (நீடிப்பு - 205)
கையடக்க தொலைபேசி: +94 71 8060660
தொலைநகல்: +94 11 2697299
மின்னஞ்சல்: This e-mail address is being protected from spambots. You need JavaScript enabled to view it

 

திருமதி. டி.எம்.எம்.கே. தென்னகோன்
உதவிப் பணிப்பாளர்
தொலைபேசி: +94 11 2689123 (நீடிப்பு - 203)
தொலைநகல்: +94 11 2697229
மின்னஞ்சல்: ad_plan[at]pubad.gov.lk

 

 

செல்வி. ஜீ.சீ.ஆர். விஜேவர்தன
உதவிச் செயலாளர் (வீடமைப்பு மற்றும் அபிவிருத்தி) ப.க
தொலைபேசி: +94 11 2694913 (நீடிப்பு - 207)
கையடக்க தொலைபேசி: +94 71 5460708
தொலைநகல்: +94 11 2697299
மின்னஞ்சல்: asia-a[at]pubad.gov.lk

 

இற்றைப்படுத்தப்பட்டது 22-11-2017.
mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
Visitors Counter