ආචාර්ය. හරිනි අමරසූරිය
එස්. ආලෝකබණ්ඩාර මහතා 
හැඳින්වීම
ශ්‍රි ලංකාවේ වර්තමාන ආර්ථික හා සමාජ අවශ්‍යතාවන්ට අනුකූල රාජ්‍ය පරිපාලන යාන්ත්‍රණයක් ස්ථාපිත කිරීම මෙම අමාත්‍යාංශයේ ප්‍රමුඛතම හා කාලීන අවශ්‍යතාවයක් ලෙස හඳුනා ගෙන ඇත. ඒ අනුව මෙම අමාත්‍යාංශයේ රාජ්‍ය පරිපාලන අංශයේ ප්‍රධානතම වගකීමක් වන රාජ්‍ය සේවයේ මානව සම්පත නිසි ලෙස කළමනාකරණය සඳහා අවශ්‍ය ප්‍රතිසංස්කරණ හඳුන්වා දීම, මානව සම්පත් කළමනාකරණය සඳහා තොරතුරු තාක්ෂණ පද්ධතීන් සහ මාර්ගගත වේදිකා (Online Platform) සකස් කිරීම, දැනට ක්‍රියාත්මක කරනු ලබන යල් පැනගිය ක්‍රමවේදයන් වෙනුවට අනවශ්‍ය වැඩ පියවර සහ ප්‍රමාදවීම් හැකිතාක් අවම වන ආකාරයෙන් ක්‍රියාවලින් ප්‍රතිනිර්මාණය කිරීම (Process Reengineering), ඩිජිටල්කරණය තුළින් අනාගත පරපුරෙහි සහ නවීන ලෝක ප්‍රවණතාවලට මෙන්ම අවශ්‍යතාවන්ට සරිලන රාජ්‍ය පරිපාලන යාන්ත්‍රණයක් නිර්මාණය කිරීමට අවශ්‍ය නවීකරණයන් සහ ප්‍රතිසංස්කරණයන් සිදු කිරීම වෙනුවෙන් මෙම අංශය පිහිටුවන ලදි.
මෙහිදී රාජ්‍ය මානව සම්පත් කළමනාකරණයේ කාලීන අභියෝගයන්ට මුහුණ දීමට හැකි පරිදි කාර්යක්ෂමතාව, ඵලදායීතාව, විනිවිදභාවය, වගවීම මෙන්ම මහජන කේන්ද්‍රීය තීරණ ගැනීමේ හැකියාව වර්ධනය කිරීම සඳහා අවශ්‍ය වැඩසටහන් නිර්මාණය කිරීම අපේක්ෂා කරයි. ඒ සඳහා නව රාජ්‍ය කළමනාකරණ ක්‍රමවේද (New Public Management) සහ ඩිජිටල් - රාජ්‍ය පරිපාලන ක්‍රමවේද (Digital – Government) භාවිතා කිරීම මඟින් ඉහත ඉලක්ක ළඟා කර ගැනීම අපේක්ෂා කරයි.
දැක්ම
“නව්‍යකරණය මඟින් රාජ්‍ය සේවාවේ විශිෂ්ටත්වය ළඟා කර ගැනීම”
මෙහෙවර
“රාජ්‍ය සේවය නවීකරණය කිරීම මඟින් රාජ්‍ය සේවාවේ විශිෂ්ටත්වය ළඟා කර ගැනීම සඳහා සේවාවන් ඩිජිටල්කරණය, අථත්‍යකරණය හා තොරතුරු තාක්ෂණ මෙවලම් භාවිතා කර මෙම අමාත්‍යාංශයේ ක්‍රියාවලීන් නවීකරණය කිරීමත්, නවීන කළමනාකරණ ක්‍රමවේදයන් හඳුන්වා දීම හා ක්‍රියාවලීන් ප්‍රතිනිර්මාණය කිරීම තුළින් අරමුණු ළඟා කර ගැනීමත් සිදු කරනු ලබයි.”
අභිමතාර්ථ
- රාජ්‍ය සේවාව කාර්යක්ෂම හා ඵලදායී ලෙස ලබා දීම සඳහා අවශ්‍ය වෙනස්කම් හඳුන්වා දීම.
- සේවා තෘප්තිය ඉහළ නැංවීම සඳහා අවශ්‍ය නවීකරණ කටයුතු සිදු කිරීම.
- අවම පිරිවැයක් දරමින් විශිෂ්ට සේවාවක් ලබා දීම සඳහා අවශ්‍ය වෙනස්කම් සිදු කිරීම.
- මානව සම්පත් කළමනාකරණ පද්ධතියක් තුළින් රාජ්‍ය සේවයෙහි කාර්යන් පහසු කිරීම.
- ඩිජිටල්කරණය හා තොරතුරු තාක්ෂණික මෙවලම් භාවිතය තුළින් රාජ්‍ය සේවය තුළ විනිවිදභාවය වැඩි කිරීම.
- ක්‍රියාවලීන් ප්‍රතිනිර්මාණය තුළින් රාජ්‍ය සේවයේ වැඩපියවර පහසු කිරීම.
- නවීකරණය තුළින් අනාගත පරපුරෙහි සහ නවීන ලෝකයෙහි අවශ්‍යතාවයන්ට ගැළපෙන රාජ්‍ය සේවාවක් ඇති කිරීම.
ක්‍රියාකාරකම්
- අමාත්‍යාංශයීය කාර්යයන් ඩිජිටල්කරණය හා අථත්‍යකරණය සඳහා වන උපායමාර්ගික සැලැස්මක් සකස් කිරීම.
- රාජ්‍ය අංශයේ මානව සම්පත් කළමනාකරණය සඳහා තොරතුරු තාක්ෂණ පද්ධතියක් සකස් කිරීම.
- අමාත්‍යාංශ ලේඛන සහ තොරතුරු ලබා ගැනීමට පහසු වන ආකාරයට ලේඛන කළමනාකරණ පද්ධතියක් ස්ථාපිත කිරීම.
- අමාත්‍යාංශ ක්‍රියාවලි ප්‍රතිනිර්මාණය කිරීමේ වැඩසටහන සකස් කිරීම.
ඇමතුම් තොරතුරු
 ආර්.ජී.සී.පී.ඩී. රාමවික්‍රම මහතා ජ්‍යෙෂ්ඨ සහකාර ලේකම් (රාජ්‍ය සේවා ප්‍රතිසංස්කරණ)
|
 එල්.එච්.ජී. කෝෂලා මෙය සහකාර ලේකම් (රාජ්‍ය සේවා ප්‍රතිසංස්කරණ)
|
||||||||||||||||||
දුක් ගැනවිලි 
මහින්ද සමරසිංහ මහතා
බී.කේ.එස්. රවීන්ද්‍ර මහතා
බි.එම්.එම්.එම්. බස්නායක මිය
Productivity
ලසන්ත අලගියවන්න මහතා