රාජ්‍ය පරිපාලන,ස්වදේශ කටයුතු, පළාත් සභා හා පළාත් පාලන අමාත්‍යංශයේ, රාජ්‍ය පරිපාලන අංශයට අයත් අභ්‍යන්තර විගණන අංශය, මු.රෙ. 133 ප්‍රකාර, අමාත්‍යාංශ ලේකම්වරයාට සෘජුවම වගකීමට බැඳී සිටින ප්‍රධාන අභ්‍යන්තර විගණකවරයකු යටතේ ක්‍රියාත්මක වේ. එය ශාඛා ප්‍රධානී ඇතුළු අභ්‍යන්තර විගණන නිලධාරීන් 12 දෙනකු, කාර්යාල කාර්ය සහායකය නිලධාරියෙකු සහ රියදුරකුගෙන් යුත් අනුමත කාර්ය මණ්ඩලයකින් සමන්විත වේ.

රාජ්‍ය පරිපාලන අමාත්‍යාංශයේ රාජ්‍ය පරිපාලන අංශය යටතේ පවතින විගණන විෂය පථයට අයත් වන අංශයන්,දෙපාර්තමේන්තු හා ආයතනයන් වේ.

රාජ්‍ය පරිපාලන අමාත්‍යාංශයේ රාජ්‍ය පරිපාලන අංශය යටතේ පවතින අංශ,දෙපාර්තමේන්තු හා ආයතන.

අංශයන්

• රාජ්‍ය පරිපාලන අංශය.
• පාර්ලිමේන්තු කටයුතු අංශය.
• ජාතික භාෂා අංශය.

දෙපාර්තමේන්තු

• විශ්‍රාම වැටුප් දෙපාර්තමේන්තුව
• රාජ්‍ය භාෂා දෙපාර්තමේන්තුව.
• බහු කාර්ය සංවර්ධන කාර්ය සාධක බලකා දෙපාර්තමේන්තුව.

ආයතනයන්

• ශ්‍රි ලංකා සංවර්ධන පරිපාලන ආයතනය.
• දුරස්ථ අධ්‍යන මධ්‍යස්ථානය.
• රාජ්‍ය භාෂා කොමිෂන් සභාව.
• ජාතික භාෂා අධ්‍යාපන සහ පුහුණු ආයතනය.
• මානව සම්පත් සංවර්ධනය කිරිමේ ජාතික සභාව.

අභ්‍යන්තර විගණන අංශයේ කාර්යයන්

• අමාත්‍යාංශයේ අධීක්ෂණය යටතේ පවතින ආයතනවල අභ්‍යන්තර විගණන කටයුතු ඉටුකිරීමේදී මු.රෙ. 133 හි සඳහන් පරිදි පහත සඳහන් කාර්යයන් කෙරෙහි විශේෂ අවධානය යොමුකෙරේ.
• වැරදි හා වංචා වැලැක්වීම සඳහා දෙපාර්තමේන්තුව/ආයතනය තුළ ක්‍රියාත්මක වන අභ්‍යන්තර සෝදිසි හා පාලන ක්‍රමය, සැළැස්ම අතින් මෙන්ම තත්‍ය ක්‍රියාකාරීත්වය අතින් සාර්ථකදැයි සොයා බැලීම.
• ගිණුම් සහ වෙනත් වාර්තාවල විශ්වාසනීයභාවය නිශ්චය කිරීම සහ යොදා ගෙන ඇති ගිණුම්කරණ පිළිවෙත මගින් නිවැරදි මූල්‍ය ප්‍රකාශයන් පිළියෙල කිරීම සඳහා අවශ්‍ය තොරතුරු සැපයෙන්නේදැයි සොයා බැලීම.
• ආයතනයේ කාර්ය මණ්ඩලයට පවරාදී ඇති වගකීම් ඉටු කිරීමෙහිලා ඔවුන්ගේ කාර්ය සාධනයෙහි ගුණාත්මකභාවය ඇගයීම.
• දෙපාර්තමේන්තුව/ආයතනය සතු වත්කම්, සියළුම ආකාරයේ අලාභහානිවලින් කොතරම් දුරට ආරක්ෂා කර ඇත්දැයි සොයා බැලීම.
• රජයේ ආයතන සංග්‍රහය, රජයේ මුදල් රෙගුලාසි සහ රාජ්‍ය පරිපාලන විෂය භාර අමාත්‍යංශය විසින් සහ මහා භාණ්ඩාගාරය විසින් වරින් වර නිකුත් කරනු ලැබ ඇති චක්‍රලේඛ හා වෙනත් පරිපූරක උපදෙස්ද, පිළිපදිනු ලැබේදැයි සොයා බැලීම.
• නාස්තිය, නිෂ්කාර්ය සහ පමණ ඉක්මවා කෙරෙන වියදම් වැළැක්වීමට මෙන්ම, ඒවා අනාවරණය කර ගැනීමට යොදාගනු ලබන අභ්‍යන්තර පාලන ක්‍රමයේ ප්‍රමාණාත්මක භාවය සොයා බැලීම.
• දෙපාර්තමේන්තුවේ ගිණුම් පරිපාටිය සහ කිසියම් මුදල් වැය වීමකට තුඩු දෙන එකී මෙහෙයුම් පරීක්ෂා කිරීම සහ දෙපාර්තමේන්තුවේ දේපළ හා වත්කම් ආරක්ෂාකාරී ලෙස අරපිරිමැස්මෙන් යුතුව විධිමත් ලෙස පරිහරණය කරන්නේදැයි සොයා බැලීම.
• අවශ්‍ය අවස්ථාවන්වලදී විශේෂ විමර්ශන පැවැත්වීම.
• ඵලදායී කාර්ය සාධනයක් සඳහා පද්ධති විශ්ලේෂණය හා කාර්ය සාධන විශ්ලේෂණය කිරීම.
• කළමනාකරණ විගණන දෙපාර්තමේන්තුව විසින් වරින්වර නිකුත් කරනු ලබන උපදෙස් හා මගපෙන්වීම් අනුව ක්‍රියාකිරීමත්, ඒ ඒ වර්ෂයේ සෑම කාර්තුවකටම වරක් අමාත්‍යාංශයේ විගණන කළමනාකරණ කමිටු රැස්වීම් පැවැත්වීමත්, එම රැස්වීම්වලදී ගනු ලබන තීරණ ක්‍රියාත්මක කිරීමේ ප්‍රගතිය පිළිබඳ පසුවිපරම් කිරීමත් මෙම අංශයට පැවරී ඇති තවත් කාර්යයකි.
• විශ්‍රාම වැටුප් ගෙවීම් සම්බන්ධයෙන් පරීක්ෂා කිරීම මඟින් විශ්‍රාම වැටුප් සම්බන්ධයෙන් සිදු වී ඇති දූෂණ, වංචා හා අක්‍රමිකතා පිළිබඳ අවධානය යොමුකිරීමත්, විශ්‍රාම වැටුප් ගෙවීම් දත්ත පද්ධතියේ හා විශ්‍රාම වැටුප් ලිපිගොනුවල ඇති ගැටළු නිරාකරණය කිරීමට කටයුතු කිරීම.

අභ්‍යන්තර විගණන කටයුතු සිදු කිරීමේදී තීරණ ගැනීමේදි යොදා ගන්නා ලේඛන

• ආයතන සංග්‍රහය
• මුදල් රෙගුලාසි
• රාජ්‍ය පරිපාලන චක්‍රලේඛ
• කළමනාකරණ විගණන චක්‍රලේඛ
• අභ්‍යන්තර විගණන මාර්ගෝපදේශය

ඇමතුම් තොරතුරු

එස්.පී. ගාමිණි මයා ප්‍රධාන අභ්‍යන්තර විගණක දුරකතන : +94 11 2667171 (දිගුව - 134) ෆැක්ස් : +94 11 2683135 විද්‍යුත් තැපෑල : This email address is being protected from spambots. You need JavaScript enabled to view it.