இலங்கை நூலகர் சேவை

இலங்கை அரசாங்க நூலகர் சேவையின் வகுப்பு III இற்கு ஆட்சேர்ப்புச் செய்யப்படுவதுடன், அவ்வாறு ஆட்சேர்ப்புச் செய்யப்படுவது இணைந்த சேவைகள் பணிப்பாளர் நாயகம் சார்பாக பரீட்சைகள் ஆணையாளர் நாயகத்தினால் நடாத்தப்படுகின்ற போட்டிப் பரீட்சையின் பெறுபேற்றின் அடிப்படையில் தகைமைகளை பரீசீலனை செய்வதற்கான நேர்முகப் பரீட்சையில் தகைமை பெறுகின்றவர்கள் மாத்திரமாகும். இலங்கை அரசாங்க நூலகர் சேவையின் வகுப்பு III இல் காணப்படுகின்ற மொத்த வெற்றிடங்களின் எண்ணிக்கையில் 70% திறந்த அடிப்படையிலும், 30% இற்கு மேற்படாதவாறு மட்டுப்படுத்தப்பட்ட அடிப்படையிலும் ஆட்சேர்ப்புச் செய்யப்படும்.

விண்ணப்பங்கள் கோரப்படும் முறைமை

 அரசாங்க வர்த்தமானியில் அறிவித்தல்களை பிரசுரித்தல் அல்லது பொது செய்திப் பத்திரிகைகளில் அறிவித்தல்களை வெளியிடுதல் மற்றும் இணையத்தளத்தில் அறிவித்தல்களை வெளியிடுவதன் மூலம் விண்ணப்பம் கோரப்படுகிறது.

சேவைக்கான ஆகக் குறைந்த தகைமைகள்

திறந்த அடிப்படையிலானது:

கல்வித் தகைமைகள்

க.பொ.த (சாதாரண தரம்) பரீட்சையில் சிங்களம் / தமிழ் / ஆங்கில மொழி, கணிதம் மற்றும் இரண்டு பாடங்களில் விசேட சித்தியுடன் ஒரே தடவையில் ஆறு (06) பாடங்களில் சித்தியடைந்திருக்க வேண்டும்.

க.பொ.த (உயர்தர) பரீட்சையில் ஒரே தடவையில் அனைத்துப் பாடங்களிலும் (பொது அறிவு தவிர்ந்த) சித்தியடைந்திருக்க வேண்டும். (பழைய பாடத்திட்டத்தின் கீழ் ஒரே தடவையில் 03 பாடங்களில் சித்தியடைந்திருத்தல் போதுமானது.)

தொழில்சார் தகைமைகள்

பல்கலைக்கழக மானியங்கள் ஆணைக்குழுவால் அங்கீகரிக்கப்பட்ட ஒரு பல்கலைக்கழகத்தில் நூலக விஞ்ஞானம் தொடர்பான மூன்று வருட டிப்ளமோ பாடநெறியில் சித்தி பெற்றிருக்க வேண்டும்.

இலங்கை நூலக சங்கத்தின் நூலக விஞ்ஞானத்தில் மூன்று வருட டிப்ளோமா பாடநெறியில் சித்தியடைந்திருக்க வேண்டும்.

(இ) நூலக விஞ்ஞானம் தொடர்பில் மேலே உள்ள (அ) அல்லது (ஆ) குறிப்பிடப்பட்டுள்ள தகைமைகளை விட அதிக தகைமைகளைப் பெற்றிருக்க வேண்டும்.

(அத்தகைய தகைமைகள் சம்பந்தப்பட்ட பல்கலைக்கழக அதிகாரிகள் மற்றும் இலங்கை நூலக சங்கத்திடம் வினவி இணைந்த சேவைகள் பணிப்பாளர் நாயகத்தால் தீர்மானிக்கப்படும்.)

மட்டுப்படுத்தப்பட்ட அடிப்படையில்

ஆட்சேர்ப்புச் செய்யப்படும் வகுப்பு : நூலகர் தரம் III

கல்வித் தகைமைகள் :

க.பொ.த சாதாரண தரப் பரீட்சையில் சிங்களம் / தமிழ் / ஆங்கில மொழி மற்றும் கணிதம் உட்பட இரண்டு தவணைக்கு மேற்படாமல் இரண்டு விசேட சித்திகளுடன் ஆறு பாடங்களில் சித்தியடைந்திருக்க வேண்டும்.

தொழிற் தகைமைகள்

பல்கலைக்கழக மானியங்கள் ஆணைக் குழுவால் அங்கீகரிக்கப்பட்ட பல்கலைக்கழகத்தில் நூலக விஞ்ஞானம் தொடர்பில் மூன்று வருட டிப்ளோமா பாடநெறியின் முதலாவது ஆண்டில் சித்தி பெற்றிருக்க வேண்டும்.

இலங்கை நூலக சங்கத்தின் நூலக விஞ்ஞானம் தொடர்பான மூன்று வருட பாடநெறியின் முதலாவது ஆண்டில் சித்தியடைந்திருக்க வேண்டும்.

அனுபவம்

அரசாங்க சேவையில் திணைக்களமட்ட ஆரம்ப திறன் சாராத (PL-01) சேவை வகுதியில் நூலக உதவியாளர் / நூலக ஊழியர் பதவியில் நிறந்தரமாக்கப்பட்டிருக்க வேண்டும் மற்றும் அந்த பதவியில் 10 வருட செயற்திறமான சேவைக் காலத்தை பூர்த்திசெய்திருக்க வேண்டும்.

தொழில்சார் தகைமைகளில் குறிப்பிடப்பட்டுள்ள டிப்ளோமோ பாடநெறிகளில் ஒன்றையேனும் பூர்த்திசெய்து, டிப்ளோமா சான்றிதழைப் பெற்ற விண்ணப்பதாரர்கள், திணைக்களமட்ட ஆரம்ப திறன் சாராத (PL-01) சேவை வகுதியில் நூலக உதவியாளர் / நூலக ஊழியர் பதவியில் நிரந்தரமாக்கப்பட்டிருத்தல் மற்றும் விண்ணப்பங்கள் கோரப்படும் அறிவித்தலில் குறிப்பிடப்படும் உரிய திகதியன்று அப்பதவியில் முன்னைய ஐந்து வருடங்கள் செயற்திறமான மற்றும் திருப்திகரமான சேவைக்காலத்தை பூர்த்திசெய்திருத்தல் போதுமானது.

சேவை பிரமாணக் குறிப்புகள்